Kijan pou w kreye boutik ou epi vann sou entènèt ak myvitrin.app

Ou menm, machann nan

Kreye boutik ou epi prepare l

1Etap 1

Kreye kont ou

Ale sou myvitrin.app epi klike “Kreye boutik mwen”. Mete imèl ou ak yon modpas (omwen 8 karaktè). Se tout.

💡 Sèvi ak yon imèl ou tcheke souvan: se la w ap resevwa lyen pou chanje modpas ou si w bliye l.

2Etap 2

Bay boutik ou yon non

Ekri non biznis ou. Vitrin kreye lyen ou otomatikman, tankou myvitrin.app/mauka-fle. Ou ka chanje non an pita, men lyen an pa ka chanje.

💡 Chwazi yon lyen kout, fasil pou moun sonje ak tape.

3Etap 3

Swiv lis preparasyon an

Yon ti lis montre w sa ki rete pou fè: nimewo WhatsApp ou, premye pwodui w, metòd peman yo ak enfòmasyon peman yo. Chak etap ou fini make ✓.

4Etap 4

Mete pwodui w yo

Pou chak pwodui: yon foto, yon non ak yon pri. Klike “Ajoute pwodui a”. Ou ka klike “Modifye” nenpòt lè pou chanje foto a oswa pri a.

💡 Pran foto yo nan bon limyè, sou yon fon klè. Bèl foto = plis vant.

5Etap 5

Chwazi kijan yo ap peye w

Tcheke metòd ou aksepte yo: MonCash, NatCash, kach lè w resevwa l, Cash App, PayPal, Zelle… Apre sa, mete nimewo oswa kont ou pou chak metòd.

💡 Avèk MonCash ak NatCash, kliyan an jwenn yon bouton “Peye” ak kòd *202* la ak kantite kòb la deja ladan l.

6Etap 6

Pataje lyen boutik ou

Klike “Pataje boutik mwen”: WhatsApp, Status, Facebook, Messenger, Telegram, SMS… oswa telechaje kòd QR ou pou enprime l.

💡 Instagram ak TikTok: kole lyen an nan bio w ak nan sticker lyen Stories ou yo.

Kliyan w yo

Men sa kliyan yo wè lè yo ouvri lyen ou a

7Etap 7

Kliyan an chwazi pwodui yo

Kliyan an ouvri lyen ou a sou telefòn li, wè foto ak pri yo, epi klike + pou mete nan panye a. Li pa bezwen telechaje okenn aplikasyon.

8Etap 8

Li pase kòmand lan

Li mete non li, nimewo WhatsApp li, epi chwazi “Vin pran l” oswa “Livrezon” ak adrès konplè. Total la kalkile pou kont li.

9Etap 9

Li voye kòmand lan ba ou

Kòmand lan rive sou WhatsApp ou ak tout detay yo: pwodui, total, non, nimewo ak adrès. Kliyan an resevwa yon lyen pou swiv kòmand li.

10Etap 10

Li peye w dirèk

Kliyan an chwazi metòd la, epi klike gwo bouton “Peye” a. Lajan an ale dirèkteman ba ou, pa nan Vitrin. Apre sa, li voye w prèv peman an sou WhatsApp.

💡 Vitrin pa janm manyen lajan ou. 0% komisyon.

Jere kòmand yo

Swiv chak kòmand jiskaske li rive

11Etap 11

Konfime, make peye, voye

Nan “Kòmand yo”, chak kòmand gen bouton pou: Konfime, Make l peye, Sou wout, Livre. Chak klike prepare yon mesaj WhatsApp pou kliyan an.

💡 Aktive “Ouvri WhatsApp otomatikman” pou w avèti kliyan an an yon sèl klike.

12Etap 12

Kliyan an toujou konnen kote kòmand lan ye

Paj swivi a montre chak etap: Resevwa, Konfime, Sou wout, Livre. Li mete tèt li ajou poukont li.

Gratis oswa Pro?

5 konsèy pou w vann plis

Kesyon moun poze souvan